| 咩叫「經一事，蔡一智」？
咩叫「輕輕鬆鬆鄧子峰」？
咩叫「有志者，鄧竟成」？
咩叫「解鈴還需鈴木仁」？
咩叫「識時務者魏俊傑」？
咩叫「任務完成鄭裕玲」？
咩叫「路遙知馬力，日久見楊森」？
咩叫「舉頭三尺有黎明」？
咩叫「施丹莫望報」？
咩叫「身輕如燕薜家燕」？
咩叫「痞低起身鄧健泓」？
咩叫「雪白無霞沈殿霞」？
咩叫「兒童不宜鄭欣宜」？
咩叫「星光熠熠羅家良」？
咩叫「停車熄匙，葉劉淑儀」？
咩叫「中華人民伍衛國」？
咩叫「趙學而時習之，余文樂乎」？
咩叫「蘇有朋自遠方來，張燊悅乎」？
咩叫「前言不對大宇」？
咩叫「踏破鐵鞋盧覓雪」？
咩叫「三個臭皮匠，勝過一個甘國亮」？
咩叫「側田李下」？ 經一事，蔡一智
係指經過一件大事可以成為蔡一智
輕輕鬆鬆鄧子峰
係指一個像鄧子峰,工作十分輕輕鬆鬆
有志者，鄧竟成
係指有志者可以成為鄧竟成
解鈴還需鈴木仁
係指在香港的鈴需鈴木仁去解
識時務者魏俊傑
係指魏俊傑是一個識時務男士
任務完成鄭裕玲
係指呂方任務完成可以見到鄭裕玲
路遙知馬力，日久見楊森
係指走得多路馬力在地府知道,日子久了楊森會見你
舉頭三尺有黎明
係指舉頭三尺有黎明海報
施丹莫望報
係指施丹係個不望回報既人
身輕如燕薜家燕
係指一型身輕如燕的新種燕子薜家燕,在薜家谷見到
痞低起身鄧健泓
係指鄧健泓做痞低起身這動作
雪白無霞沈殿霞
係指沈殿霞係個雪白無霞既人
兒童不宜鄭欣宜
係指鄭欣宜既行為兒童不宜
星光熠熠羅家良
係指羅家良身上熠熠的星光
停車熄匙，葉劉淑儀
係指葉劉淑儀會停車熄匙
中華人民伍衛國
係指伍衛國係中華人民
趙學而時習之，余文樂乎
係指趙學而見到余文樂會學習
蘇有朋自遠方來，張燊悅乎
係指蘇有朋自在火星來是為張燊悅嗎
前言不對大宇
係指前面言語不可以對女士的大宇
踏破鐵鞋盧覓雪
係指踏破鐵鞋可以見盧覓雪
三個臭皮匠，勝過一個甘國亮
係指三個臭皮匠的智慧甘國亮多
側田李下
係指側田住在李嘉誠下一層 |
| |
| 呢排發生既事真係多，首先係我終於有人工加了，加薪大約16%，唔好以為好多，其實我人工好低，所以加左都唔覺D乜，只係多少少錢可以用咁啦。 不過，之後公司就發生失竊案，受害者居然係我咁好彩，話說我放左部NDSL在公司櫃筒，不過我懶唔記得鎖櫃，於時就比人有機可乘。第2日返工就發現部機唔見左，即時問問同事有冇見過我部機啦，點知都係冇。果時心情極DOWN...無啦啦唔見左千幾蚊喎。後來我同佢地分析過，最有可能會行入我地D位既係清潔阿姨，於是我地鎖定犯人為佢。 我地0係公司安裝幾個WEBCAM，個清潔每日都會朝早7點返工清潔，我地留意左佢幾日，佢清潔果時都會開人地D冇鎖既櫃筒黎睇，同埋會抄下入面有D乜。於是我地就放D錢入去裝佢，睇下佢係咪真係咁貪錢。 過左2日，發現真係有錢唔記左！同埋影到佢用張紙仔隔住黎開櫃筒囉走一張銀紙，果日我放假，同事即刻打電話通知我，話已經捉到人，不過公司冇報警，簽左一份咩咩合解書話唔會再追究，但係我只係收得返$1050，我部機起碼值千三啦，最衰我果日放假連argue既機會都冇。不過拿返少少都算偷笑了... |
| |
